“ქართული ძიუდოს პატრიარქი - ბიძინა მაზიაშვილი”

სპორტი - 17:58, 08 May, 2018

7549

9 მაისს ქართული ძიუდოს ფუძემდებელს ბიძინა მაზიაშვილს დაბადებიდან 90 წელი შუსრულდებოდა. იგი იყო საქართველოს ნაკრების მთავარი მწვრთნელი 20 წლის განმავლობაში. 2000 წელს, საქართველოს საუკუნის ათ საუკეთესო მწვრთნელს შორის ბიძინა მაზიაშვილიც დასახელდა.

ბიძინა მაზიაშვილმა აღზარდა არაერთი სახელოვანი ძიუდოისტი, ოლიმპიური, მსოფლიოს და ევროპის ჩემპიონები. მისი ძალისხმევით ძიუდოში ქართული ჭიდაობის ილეთების ინტეგრირება მოხდა. წლების მანძილზე, იაპონელ კოლეგებთან ერთად, ის აქტიურად მუშაობდა მსოფლიო ძიუდოს განვითარებისთვის. მას სიყვარულით „ძიუდოს პაპა“ შეარქვეს.

სპეციალურად ამ საიუბილეო თარიღისთვის, ჟურნალისტმა დავით ჭელიძემ, მოამზადა და გამოსცა მონოლოგების კრებული „ქართული ძიუდოს პატრიარქი - ბიძინა მაზიაშვილი.“ წიგნში შესულია იმ ადამიანების მოგონებები, ვინც ახლოს იცნობდა ბიძინა მაზიაშვილს. მთლიანობაში ეს არის კრებული-პორტრეტი საქმეზე შეყვარებული ადამიანისა, ვისთვისაც ქართული ძიუდო და ძიუდოისტთა წარმატებები ცხოვრების მთავარი ამოცანა იყო.

8 მაისს ჟურნალისტთა კავშირში წიგნის პრეზენტაცია გაიმართა. საღამოზე მიწვეული იყვნენ ცნობილი სპორტსმენები, სპორტული ჟურნალისტები და ქართული სპორტის ქომაგები.