როგორც "ნიუპოსტს" უწყებაში განუცხადეს, გამოძიება დაწყებულია 108-ე და 236-ე მუხლებით მიმდინარეობს, რაც განზრახ მკვლელობას და იარაღის უკანონოდ შეძენა-შენახვა-ტარებას გულისხმობს.
გახარიას უწყებაში ამბობენ, რომ ჩანიშნულია შესაბამისი ექსპერტიზა და მიმდინარეობს ინტენსიური საგამოძიებო მოქმედებები.
მარნეულის მუნიციპალიტეტის სოფელ სეიდ გოჯალოში 21 წლის მამაკაცი, ნამაზ ვალიევი გარდაცვლილი იპოვეს.
მამაკაცს ცეცხლსასროლით მიყენებული ჭრილობა თავის არეში აღენიშნება.
მოკლულის ოჯახის წევრების თქმით, 21წლის ახალგარზდა ე.წ. "აბრეზით" მოკლეს.
"5 მაისს სატელეფონო ზარის შემდეგ გავიდა, 6 მაისს შეგვატყობინეს რომ მოკლული იყო. არ მუშაობდა და არც სწავლობდა, ძირითადად ჩვენ გვეხმარებოდა სახლის საქმეებში. ის საძოვარადგილას იპოვა მწყემსმა. ე.წ.„აბრეზით“მოკლეს"- აცხადებენ ადგილორივები.
ამასთან, "ნიუპოსტს" ადგილობრივები უყვებიან, რომ პოლიციამ უკვე ამოიღო მკვლელობის ადგილის სიახლოვეს დამონტაჟებული სათვალთვალო კამერების ჩანაწერები, სადაც დაუდასტურებელი ინფორმაციით, სამი მამაკაცის გადადგილებაა დაფიქსირებული.
მისივე ინფორმაციით, გარდაცვლილის ოჯახის წევრების თქმით, ვალიევი გუშინ საღამოს სატელეფონო ზარის განხორციელების შემდეგ სახლიდან გავიდა და აღარ დაბრუნებულა, დილით კი მწყემსმა სოფლის ჭალაში გარდაცვლილი იპოვა.
მასალის გამოყენების პირობები