როგორც მეზობლების მონაყოლიდან ირკვევა, მოქალაქე ნინო ამყოლაძეს, პირველი ქმრის ძმამ მიაკითხა და სამ პირთან ერთად ომიაძეების ოჯახში შეიჭრა.
ინცინდენტისას სახლში ამყოლაძის მეუღლე, მაზლი და დედამთილი იმყოფებოდნენ. დაპირისპირებისას დაიჭრა ბესიკ ომიაძე, რომელიც ადგილზე გარდაიცვალა.
ინცინდენტისას დაიჭრნენ ქალის ამჟამინდელი ქმარი და მისი ნათესავი. ისინი სასწრაფო დახ,მარების ბრიგადამ ხაშურის საავადმყოფოში გადაიყვანა. მდგომარეობა ამ დროისთვის სტაბილურია.
მეზობლების თქმით, ახალგაზრდა მამაკაცი სახლში მაშინ შევიდა, როცა ოჯახს ეძინა.
"მისივე მოტანილი დანით მოკვდა, ბავშვები თავს იცავდნენ"- აცხადებს ოჯახის წევრი.
მომხდართან დაკავშირებით აღძრულია სისხლის სამართლის საქმე სსკ-ის 108-ე მუხლით, რაც განზრახ მკვლელობას გულისხმობს.
თავად, ნინო ამყოლაძე ამბობს, რომ ყოფილი ქმრის ძმა ემუქრებოდა და ამის გამო მან საპატრულო პოლიციასაც მიმართა.
37 წლის ქალი ირწმუნება, რომ ყოფილი მაზლი ნარკოტიკების ზემოქმედების ქვეშ იყო და მის ცემას ცდილობდა.
"ჩემმა ქმარმა დამიცვა და ნახეთ რაც მოხდა. ყოფილ ქმართან კარგი ურთიერთობა მაქვს. ბავშვებიც მასთან არიან ახლა. მაზლმა რა ვერ მოინელა ჩემი მეორედ გათხოვება ვერ გამიგია. თავი გაუჩეხა ჩემს მეუღლეს. ის შემოვარდა და ძმას დაუძახა საშველად. მეზობლებიც მოვიდნენ ხმაურზე. ყოფილ მაზლთან მყოფი პირები მისივე მანქანით გაიქცნენ და ყელგამოჭრილი დატოვეს აქ",- ამბობს მოკლულის ყოფილი რძალი.
გავრცელებული ინფორმაციით, ბესიკ ომიაძე თბილისში, გუდამაყრის ქუჩაზე ცხოვრობდა. მამაკაცს ოთხი მცირეწლოვანი შვილი დარჩა.
მასალის გამოყენების პირობები