კლუბ „ბასიანის“ დამფუძნებელმა და "თეთრი ხმაურის მოძრაობის" წევრმა ნაჯა ორაშვილმა ტელეკოპმანია „პალიტრანიუსის“ გადაცემა „360“ გრადუსში ქალაქში გავრცელებულ ახალ, მკვლელ ნარკოტიკზე ისაუბრა. მისი თქმით, მან შესაბამის უწყებებს აცნობა იმ საიტის არსებობის შესახებ, საიდანაც ხელმისაწვდომია საშიში ნივთიერების შეძენა.

„ვფიქრობ მიდის მიზანმიმართული კამპანია კლუბის წინააღმდეგ არავინ საუბრობს იმაზე, რომ ქალაქში საშიში, მავნე, მკვლელი ნივთიერებაა გამოჩენილი, ვინ მფარველობს ამ ნარკოტიკულ საშუალებას და რატომ არის ასე ხელმისაწვდომი. ერთი თვის წინ, პირველი ვიყავი, როდესაც გავიგე თუ არა ამ ნივთიერების შესახებ, 4 ადამიანი მძიმე ინტოქსიკაციით მოხვდა საავადმყოფოში. თავიდან საუბარი იყო სხვა ნივთიერებაზე, თუმცა იმ ნივთიერებას არ აქვს ასეთი ინტოქსიკაცია. ეს ადამიანები დაახლოებით 4-5 დღის განმავლობაში იყვნენ კომატოზურ მდგომარეობაში. მაშინ, ერთი თვის წინ დავინტერესდი და მოვიკვლიე ამ ნარკოტიკულ საშუალებაზე ინფორმაცია.

როდესაც ეს ადამიანები კომიდან გამოვიდნენ, მივწერე, რომ დამხმარებოდნენ გამერკვია, თუ რა ნივთიერებაა, რომელიც ასეთ მძიმე შედეგებს იწვევს. მათ მითხრეს, რომ კონკრეტული საიტიდან, შეიძინეს საკმაოდ იაფად ნარკოტიკული საშუალება „მეფედრონი“. ამის შემდეგ დავიწყე მე თვითონ მოკვლევა, რადგან როდესაც ქალაქში ჩნდება ასეთი მძიმე ნივთიერება, ეს ნიშნავს რომ ადამიანების ჯანმრთელობას საფრთხე ემუქრება და ვიცი, რომ სახელმწიფო ამაზეც არასდროს არაფერს აკეთებს. ჩვენ გვახსოვს „ჯემ ფესტზე“ გარდაცვლილი გოგონა, რომელმაც რა ნარკოტიკული საშუალება მიიღო, დღემდე არ ვიცით.

შემდეგ მოხდა, რომ კლუბში 4 ადამიანი გახდა შეუძლოდ. იყო ძალიან მძიმე ინტოქსიკაცია, რომ არ დაცვის წევრები და კლუბის წარმომადგენლები , შესაძლოა, ფატალური შედეგი დამდგარიყო. ეს ადამიანები ახლა კარგად არიან, მათ ინფორმაციაც გაავრცელეს ამის შესახებ. მანამ მე უწყებებისთის მიწოდებული მქონდა ინფორმაცია, რომ არსებობს საიტი, საიდანაც ძალიან ხელმისაწვდომია საშიში ნივთიერება და მიიღეთ ზომებითქო, რადგან ჩვენ არ ვიცით, არასრულწლოვანი ადამიანები მოიხმარენ ამას თუ არა“ - ამბობს ნაჯა ორაშვილი.