კახეთში პოლიციელს თავს დაესხნენ და დაჭრეს

კრიმინალი - 09:48, 26 Apr, 2018

3373

კახეთში პოლიციელი დაჭრეს. "ნიუპოსტის" ინფორმაციით, დაჭრილია შინაგან საქმეთა სამინისტროს ყვარლის რაიონული სამმართველოს უბნის უფროს ინსპექტორ-გამომძიებელი გიორგი ქანდაურიშვილი. მას ცივი იარაღით მიყენებული 2 ჭრილობა აღენიშნება.

შემთხვევა 24 აპრილს მოხდა. პოლიციელზე თავდასხმის ბრალდებით 22 წლის მამაკაცი უკვე დააკავეს.

ინცინდენტი მას შემდეგ მოხდა, რაც პოლიციელმა მოქალაქეს საზოგადოებრივი წესრიგის დაცვისკენ მოუწოდა.

არსებული ინფორმაციით, 22 წლის გიორგი მოლაშვილს დაჭრილ პოლიციელთან უთანხმოება ადრეც ჰქონდა, რის გამოც ის ამ დრომდე პირობითი მსჯავრის ქვეშ იმყოფებოდა.

შინაგან სამეთა სამინისტროში აღნიშავენ, რომ მოლაშვილის დაკავების შემდეგ, საღამოს, დაკავებული გ.მ.-ს ძმა -ა.მ., თანასოფლელებთან ერთად, პოლიციის შენობასთან მივიდა, უცენზურო სიტყვებით საზოგადოებრივ წესრიგს არღვევდა და ძმის გათავისუფლებას ითხოვდა.

საბოლოოდ სამართალდამცველებმა ა.მ. საქართველოს ადმინისტრაციულ სამართალდარღვევათა კოდექსის 173-ე მუხლით ადგილზე დააკავეს. გურჯაანის რაიონულმა სასამართლომ კი ის 400 ლარით დააჯარიმა.

საქმეზე გამოძიება საქართველოს სისხლის სამართლის კოდექსის 353-პრიმა მუხლის მე-2 ნაწილით მიმდინარეობს, რაც პოლიციელზე ან ხელისუფლების სხვა წარმომადგენელზე სამსახურებრივ საქმიანობასთან დაკავშირებით თავდასხმას გულისხმობს.