"რეალი" აპირებს პსჟ-სგან 19 წლის ფორვარდი კილიან მბაპე 200 მილიონ ევროდ შეიძინოს

სპორტი - 18:24, 25 Apr, 2018

5186

სპორტული გამოცემა "Don Balon"-ის ცნობით, მადრიდის "რეალი" აპირებს სატრანსფერო სეზონის გახსნის შემდეგ პსჟ-სგან 200 მილიონ ევროდ 19 წლის ფორვარდი კილიან მბაპე შეიძინოს. თუ ეს გარიგება შედგა, სამეფო კლუბის პრეზიდენტი ფლორენტინო პერესი მზადაა უარი თქვას პსჟ-ს მეორე ფორვარდ ნეიმარისთვის ბრძოლაზე.

მბაპე 1998 წლის 20 დეკემბერსაა დაბადებული. წარმოშობით იგი კამერუნელია. 15 წლის ასაკში მან პირველი კონტრაქტი ფრანგულ კლუბ "მონაკოსთან" გააფორმა. მისი დებიუტი დიდ ფეხბურთში 2015 წელს შედგა, მან 14 თამაშში მიიღო მონაწილეობა და 1 გოლი გაიტანა, რითიც ტიერი ანრის ორი რეკორდი მოხსნა - როგორც კლუბის ყველაზე ახალგაზრდა დებიუტანტმა და ყველაზე ახალგაზრდა გოლის ავტორმა. შემდეგ სეზონში (2016/17 წ.წ.) მბაპე საფრანგეთის ჩემპიონი გახდა, ყველა ტურნირში 44 მატჩი ითამაშა და 26 გოლი გაიტანა.

ჩემპიონობის შემდეგ მბაპემ ჩემპიონთა ლიგაშიც გაიბრწყინა - მონაკომ ნახევრაფინალამდე მიაღწია, სადაც იუვენტუსთან დამარცხდა, თუმცა, ორ მატჩში ჯიჯი ბუფონის კარში მონაკოს ერთადერთი გატანილი გოლის ავტორი სწორედ მბაპეა. ამ გოლით მან ბუფონის გაუშვებელი გოლების სერია შეწყვიტა, რომელიც 600 წუთს შეადგენდა.

2017 წლის 31 აგვისტოს მბაპე პსჟ-ში არენდის წესით გადავიდა. პარიზის კლუბმა ამავდროულად აიღო პასუხისმგებლობა, რომ 2017/18 წლების სეზონის ბოლოს იგი 180 მილიონ ევროდ უნდა გამოისყიდოს. პსჟ-ში გადასვლის დღესვე მბაპემ თავი საფრანგეთის ეროვნული ნაკრების რიგებში გამოიჩინა - მან 2018 წლის მსოფლიო ჩემპიონატის შესარჩევ მატჩში ჰოლანდიის ნაკრებს გოლი გაუტანა, რითიც საფრანგეთის ნაკრების რიგებში ყველაზე ახალგაზრდა ფეხბურთელის მიერ გატანილი გოლის ავტორობის 54 წლიანი რეკორდი მოხსნა. პსჟ-ს რიგებში იგი კვლავ გახდა საფრანგეთის ჩემპიონი და საფრანგეთის ლიგის თასის მგლობელი გახდა. სულ მბაპეს კარიერის მანძილზე 96 მატჩი აქვს ჩატარებული და 44 გოლი აქვს გატანილი.