10 წლის საბას ავთვისებიანი სიმსივნე დაუდგინდა - ოჯახს საზოგადოების დახმარებას სჭირდება

საზოგადოება - 15:43, 25 Apr, 2018

3695

საბა ჩახაიას 2016 წელს ბაქოში ჩატარებული თვალის ოპერაციის შემდეგ დაუდგინდა ავთვისებიანი სიმსივნე _ რეტინობლასტომა. რის გამოც გადაყვანილი იქნა ოდესაში, სადაც ჩაუტარდა თვალის მეორე ოპერაცია _ ენუკლეაცია და ენდოპროტეზირება. ოპერაციამ აჩვენა, რომ სიმსივნე მხედველობის ნერვზე იყო გადასული და ბავშვს სასწრაფოდ ესაჭიროებოდა რადიოთერაპია და ქიმიოთერაპია. რადიოთერაპიისა და ქიმიოთერაპიის ერთი კურსის შემდეგ, რომელიც ოდესაშივე ჩატარდა ბავშვი დაბრუნდა საქართველოში, ქიმიოთერაპიის კურსის გასაგრძელებლად. 10 წლის ბიჭუნამ არაერთ კურსს გაუძლო, მაგრამ საქართველოში არასრული დიაგნოსტირების გამო, ბავშვის მკურნალობა შეფერხდა და დამძიმდა. ოჯახს ძალიან ბევრი წვალება დასჭირდა იმისთვის რომ თურქეთში წასაყვანად ცნობა მოეპოვებინა, მათ უმძიმესი გზა გაიარეს სტამბულში ჩასვლამდე, სადაც ჩატარებული გამოკვლევების საფუძველზე დადგინდა, რომ ბავშვს მეტასტაზები უკვე ზურგის ტვინში ჰქონდა გაპარული და მისი მდგომარეობა შეფასდა, როგორც უმძიმესი.

საბოლოოდ დადგინდა, რომ საბამ ხუთი ექიმის მეთვალყურეობის ქვეშ უნდა გაიაროს მკურნალობის კურსი, მაგრამ ამისთვის კოლოსალური თანხებია საჭირო, (140 000$) ჯანდაცვის სამინისტროში თანხმობა განაცხადეს მხოლოდ 10 000$-ს დაფინანსებაზე, ოჯახმა მიმართა სოლიდარობის ფონდსაც, თუმცა არც იქედან არის სასიკეთო პასუხი ამ დრომდე... იმისთვის, რომ ბავშვმა მკურნალობის კურსი არ შეწყვიტოს, საჭიროა კლინიკაში პირველ ეტაპზე ჩაირიცხოს 20 000$, რისი საშუალებაც ოჯახს აღარ გააჩნია, რადგან ორწლიანი ბრძოლის შედეგად მათი ფინანსური რესურსი ამოიწურა.

საქველმოქმედო ფონდ „დედის ხელებში“ გროვდება თანხა საბას სიცოცხლის გადასარჩენად, მოგმართავთ თხოვნით, დავეხმაროთ და ნუ გავწირავთ საბას!

ჩვენი რეკვიზიტები:

1. საქართველოს ბანკი: GE51BG0000000668714400

2. თიბისი ბანკი: GE64TB7015436080100015

3. ლიბერთი ბანკი: GE86LB0115119616889001

საიდენტიფიკაციო კოდი : 406179987

ზარი ნებისმიერი ოპერატორიდან: 0 901 701 225 (ზარის ღირებულება 1 ლარი)

ჩარიცხვა შეგიძლიათ საქართველოს ბანკისა და თიბისი ფეის სწრაფი გადახდის აპარატებიდან, ქველმოქმედებაში მოძებნეთ „დედის ხელები“

ასევე გადარიცხვა შეგიძლიათ სახლიდან გაუსვლელად, ბარათით ჩვენი საიტიდან: mothershandscare.com

დანიშნულებაში მიუთითეთ საბა ჩახაია