24 აპრილს, 12.00 საათზე, ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს ეროვნულ ლატარიას შორის თანამშრომლობის მემორანდუმი გაფორმდება. მემორანდუმს ხელს თსუ რექტორი გიორგი შარვაშიძე და საქართველოს ეროვნული ლატარიის დირექტორი გიორგი გედევანიშვილი მოაწერენ.

მემორანდუმის ფარგლებში, საქართველოს ეროვნული ლატარია მონაწილეობას მიიღებს სხვადასხვა საგანამანათლებლო პროექტებში. საქართველოს ეროვნულმა ლატარიამ სოციალური აქციის პირველ ადრესატებად თბილისის სახელმწიფო უნივერსიტეტის ის სტუდენტები შეარჩია, რომლებიც გამოირჩევიან მაღალი აკადემიური მოსწრებით და ესაჭიროებათ ფინანსური მხარდაჭერა. საქართველოს ეროვნული ლატარია თსუ -ს ორ სტუდენტს დაუფინანსებს 2018-2019 სასწავლო წლის სწავლის საფასურს.