ყველაფერი ოჯახის შესახებ - ქართული ვიდეობლოგი, რომელიც ყველა თქვენს კითხვას გასცემს პასუხს

საზოგადოება - 20:11, 20 Apr, 2018

2356

ინტერნეტ სივრცეში ახალმა ქართულმა პროექტმა დაიწყო ფუნქციონირება. Family Zone youtube-ზე გთავაზობთ ვიდეო ბლოგებს ოჯახის შესახებ. ნიუპოსტმა ამ პროექტის გაშუქების ექსკლუზიური უფლება მოიპოვა და შესაბამის ინფორმაციას ჩვენს საიტზეც იხილავთ.

როგორც პროექტის შემქმნელები აცხადებენ Family Zone არის მცდელობა, კომპეტენტური და პროფესიონალი ადამიანების დახმარებით ყველა საჭირო ინფორმაციას ქართულენოვან, ერთ პლატფორმაზე მოუყაროს თავი, შედეგად კი მარტივად ხელმისაწვდომი გახადოს თქვენთვის და გადმოგცეთ მაქსიმალურად ადაპტირებული ფორმით. რაც დაზოგავს თქვენს დროს და ენერგიას, მოგცემთ საშუალებას, ჩაერთოთ ინტერაქციაში და მიიღოთ ამომწურავი პასუხები თქვენთვის სასურველ კითხვებზე.

პროექტის მთავარი სამიზნე ოჯახია, მისი წევრების ინტერესები და საჭიროებები, პროექტის ფარგლებში მიიღებთ ინფორმაციას ისეთ აქტუალურ საკითხებზე, როგორიცაა ორსულობის დაგეგმვა, მუცლადყოფნის პერიოდი, ბავშვების ფიზიკური და ფსიქოლოგიური სიჯანსაღე. გართობა, დასვენება, პირადი ექიმები და ფსიქოლოგები, მათთან ვიზიტები, შინაური ცხოველები, საკვების, ჰიგიენური და სამედიცინო პროდუქციის სწორად არჩევა.

პირველი ორი საკითხი, რომელსაც Family Zone ეხება არის შექებისა და დასჯის როლი ბავშვის განვითარების პროცესში.

როდის არის შექება გამართლებული, რა როლი აქვს მას ბავშვის განვითარების პროცესში და როგორ შევაქოთ ისე, რომ მივიღოთ სასურველი შედეგი. ამ საკითხზე საინტერესო ინფორმაციას და რჩევებს ფსიქოლოგი, მეცნიერებათა დოქტორი ელენე ჯაფარიძე მოგაწვდით.

ვიდეოს სანახავად გადადით ბმულზე Family Zone