საფრანგეთში კრიმინალურ დაჯგუფებასთან ერთად რეპერი კაბუც დააკავეს. ამის შესახებ ცნობილი დღეს გახდა. ჟურნალი სარკე კაბუს ინტერვიუს აქვეყნებს, რომელიც მის დაჭერამდეა ჩაწერილი:

„საქართველოში რა ხდება ვერ ვხვდები. ახლა, მარიხუანის რეალიზაციის მომხრეები რომ არიან, ის ადამიანები მაშინ სად იყვნენ, ასფალტზე თავს რომ მარტყმევინებდნენ? მაშინ არ იყო საქართველო? მაშინ არ იყო დემოკრატია და ტავისუფლება? 9 წელი რომ გამაწამეს მაშინ სად იყვნენ? არ ვამბობ რომ კარგი რამ ჩავიდინე, ძალიან ცუდი იყო, მაგრამ ამის გამო ცხოვრების წართმევა ხომ არ შეიძლება?

მთელმა საქართველომ რომ ენა ამოიდგა, ახლა თუ არის ნარკოტიკი კარგი, მაშინ რატომ იყო ცუდი? ჩვენ ცუდად „ვიკეთებდით“ და ესენი კარგად თუ რა ხდება?!

საფრანგეთში წასვლის პირველი მიზეზი ნარკოტიკებისთვის თავის დანებება იყო. ერთ-ერთი მიზეზი იყო, რომ საკუთარი თავისთვის მიმეხედა და ცოტა აზრზე მოვსულიყავი. დაშინებული დავდიოდი, ცხოვრება აღარ მინდოდა, ფხიზელი ვარ და მალე საქართველოშიც ჩამოვალ. ძალიან რთული იყო, წელიწადნახევარი ვიწვალე, მაგრამ მოვახერხე და დავძლიე ის საშინელი სენი. მორცენილი ვარ, კარგად ვარ, ჯანმრთელად ვარ და ამ თემაზე საუბარი აღარ მსურს“, - აღნიშნავს რეპერი კაბუ ჟურნალ „სარკესთან“ საუბრისას.