„სახლში წინასწარ იყო შესული... ბავშვების ტანსაცმელს ჭრიდა და ბენზინს ასხამდა“

„სახლში წინასწარ იყო შესული... ბავშვების ტანსაცმელს ჭრიდა და ბენზინს ასხამდა“ - ბარნოვზე მომხდარი მკლელობის დეტალები

საზოგადოება - 17:10, 15 Apr, 2018

4388

13 აპრილს ბარნოვის ქუჩაზე მომხდარი მკვლელობის შესახებ ახალ დეტალებს ჰყვებიან მოკლული თამარ გამრეკელაშვილის ოჯახის ახლობლები. მათი ინფორმაციით, მკვლელობაში ბრალდებული ვეფხია ბაქრაძე გოგოს სახლში ელოდებოდა. გარდაცვლილის ბებია და დეიდა ამბობენ, რომ ბავშვებს სახლში ვეფხია ბაქრაძე დახვდათ, რომელიც ბავშების ტანსაცმელს ჭრიდა და ბენზინს ასხამდა.

,,წინასწარ იყო შესული, რადგან ტანსაცმელი ფეხსაცმელი ბავშვების, დედის, დის ყველაფერი იყო დაკუწული... ბავშვმა როგორც თქვა, რომ შევედითო, ხელში წამალი ეჭირა და ასხამდაო, სავარაუდოდ ეს იყო ბენზინი, რადგან ბავშვებსაც ბენზინის სუნი ასდიოდათ...“ - ჰყვება გარდაცვლილის დეიდა.

25 წლის გოგო მკვლელობაში ბრალდებული შს სამინისტრომ გუშინ დააკავა.

უწყების ცნობით, თბილისის პოლიციის დეპარტამენტისა და ქვემო ქართლის პოლიციის დეპარტამენტის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1972 წელს დაბადებული ვ.ბ. განზრახ მკვლელობის ბრალდებით დააკავეს.

გამოძიებამ აღნიშნულ ფაქტთან დაკავშირებით დაადგინა, რომ მიმდინარე წლის 13 აპრილს ვ.ბ.-მ ვაკეში, ბარნოვის ქუჩაზე, ყოფილი მეუღლის შვილს, 1993 წელს დაბადებულ თ.გ.-ს სხეულზე დანით სასიკვდილო ჭრილობა მიაყენა და შემთხვევის ადგილიდან მიიმალა. თ.გ. შემთხვევის ადგილზევე გარდაიცვალა.