ბელორუსის ჯანდაცვის სამინისტროს ცნობით, Deep Purple-ის ექს-ვოკალისტი ჯო ლინ ტერნერი მიოკარდიუმის ინფარქტის დიაგნოზით მინსკის საავადმყოფოში გადაიყვანეს. მას მკურნალობა ყველა შესაძლო თანამედროვე მეთოდით უტარდება.

ტერნერი 66 წლისაა. მან თავის დროზე Deep Purple-ში იან გილანი შეცვალა, მაგრამ 1992 წლის შემდეგ შემოქმედებითი უთანხმოების გამო ანსამბლი დატოვა.

რამდენიმე თვის წინ როკ-მუსიკოსი აცხადებდა, რომ სამუდამოდ საცხოვრებლად ბელორუსში გადასვლას აპირებს, რისი მოტივატორიც მისი ბელორუსი მეუღლე საერთაშორისო სამართლის იურისტი მაია კოზირევაა.

ექიმების განცხადებით, ტერნერი რეანიმაციაში იმყოფება და მისი მდგომარეობა სტაბილურია.