საზარელი მკვლელობის შემდეგ მოკლულის მამინაცვალი სოლოლაკში, ნაქირავებ ბინაში მივიდა

საზარელი მკვლელობის შემდეგ მოკლულის მამინაცვალი სოლოლაკში, ნაქირავებ ბინაში მივიდა - ვაკეში მომხდარი მკვლელობის დეტალები

საზოგადოება - 17:00, 14 Apr, 2018

10010

ვაკეში მოკლული 25 წლის ქალის მკვლელს სამართალდამცავები ამ დრომდე ეძებენ. გავრცელებული ინფორმაციით, მკვლელობა მოკლულის მამინაცვალმა ვეფხია ბაქრაძემ ჩაიდინა. ბოლო ადგილი, სადაც დანაშაულის ჩამდენი პირი იმყოფებოდა, სოლოლაკში მის მიერ ნაქირავები ბინაა.

საგამოძიებო მოქმედებები სოლოლაკის ბინაში რამდენიმე საათის წინა ჩატარდა. სოლოლაკში მდებარე ბინა ვეფხია ბაქრაძეს პირველი აპრილიდან ჰქონდა ნაქირავები.

ბინის მეპატრონის თქმით, ვეფხია ბაქრაძემ ბინის ქირაობის შემდეგ რამდენიმე ღამე გაატარა სახლში, რის შემდეგაც ბინის მეპატრონეს უთხრა, რომ ავეჯის შეტანას აპირებდა სახლში, რადგან გეგმავდა ამ სახლში მეუღლესთან ერთად გადმოსვლას.

სოლოლაკში ნაქირავები ბინიდან სამართალდამცავებმა სხვადასხვა სახის მტკიცებულებები წაიღეს.

შემთხვევა გუშინ მოხდა. 25 წლის თაკო გამრეკელაშვილი ვაკეში, დის ნაქირავებ სახლში სტუმრად იმყოფებოდა. რა დროსაც მას ცივი იარაღით სასიკვდილო დაზიანებები ყელის არეში, მისმა ყოფილმა მამინაცვალმა 1972 წელს დაბადებულმა ვეფხვია ბაქრაძემ მიაყენა. ადგილობრივების ინფორმაციით, შემთხვევა ბავშვების თვალწინ მოხდა.

მომხდარზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს.

აღნიშნულთან დაკავშირებით შსს-მ განცხადება გაავრცელა.