ვინ და რატომ გაავრცელა თამაზ ელიზბარაშვილის დაპირისპირების კადრები მისივე თანამშრომელთან

ვინ და რატომ გაავრცელა თამაზ ელიზბარაშვილის დაპირისპირების კადრები მისივე თანამშრომელთან - „ამ ქვეყანას არაფერი ეშველება“

საზოგადოება - 20:15, 10 Apr, 2018

4407

როგორ მოხდა სოციალურ ქსელში იმ ვიდეო კადრების გავრცელება, სადაც თამაზ ელიზბარაშვილი საკუთარ თანამშრომელს ფიზიკურად უპირისპირდება. როგორც ელიზბარაშვილი ,,ნიუპოსთან“ ამბობს, ეს იყო მის წინააღმდეგ მიზანმიმართული კამპანია.

"ეს იყო ფეისბუქ-ლაივი, საათ-ნახევრიანი, მაგრამ ვიღაცამ მხოლოდ ეს მომენტი ამოიღო. რატომ გაავრცელა იმ ადამიანმა, რომელიც ემსახურება ბოროტებას? არანაირი სიკეთე არ გაუკეთებია ალბათ თავის ცხოვრებაში, ეს არის ჩემს წინააღმდეგ მიზანმიმართული ბრძოლა და კამპანია, გააგრძელონ ახლა და მიხედონ.

ასე რომ მომდგნენ, მაგინეს, მთათხეს, გადამიარეს, ამ ქვეყანას არაფერი ეშველება, ისე მძლავრობს და ბობოქრობს ბოროტება, სადაც სიკეთის რაღაც ნაპერწკალს დაინახავენ, უნდათ რომ გადაუარონ, ჩემი შვილი მეკითხება, მამა რატომ გაგინებენო, პასუხი არ მაქვს, რა უნდა ვუთხრა, მაგინეთ და იყავით, სანამ არ დაიღლებით, მაგინეთ და მაგინეთ, მე მოვრჩი, აღარ მინდა, დავიღალე, ყოველ თვე 42 ათასი ლარი მიჯდება ამ თავშასაფრის შენახვა, მორალურად ვარ განადგურებული“, - განაცხადა „ნიუპოსტთან“ საუბრისას თამაზ ელიზბარაშვილმა.