"ბავშვს წამოარტყეს და აცრემლებული გამოუშვეს, კანის ფერი არაფერ შუაშია"- ნიგერიელ სტუდენტებთან ინციდენტის მონაწილე პირის ძმა დეტალებს ჰყვება

საზოგადოება - 13:32, 10 Apr, 2018

2680

რასიზმი თუ დაპირისპირება მცირეწლოვანი ბავშვის შეურაცხყოფისთვის - ბელიაშვილის ქუჩაზე დაპირისპირების მონაწილე მხარეები მომხდარის სხვადასხვა მიზეზებზე საუბრობენ. ნიგერიელი სტუდენტები მიიჩნევენ, რომ მათ კანის ფერის გამო გაუსწორდნენ.

ადგილობრივები კი ამტკიცებენ, რომ ჩხუბი ბავშვის შეურაცხყოფას მოყვა.

„ნიუპოსტმა“ ინცინდენტში მონაწილე გიორგი ჯიქურაშვილის ძმა ჩაწერა. დავით ჯიქურაშვილის მონაყოლის თანახმად, უცხო ქვეყნის მოქალაქეებისთვის შეურაცხყოფა რასისტულ ნიადაგზე არ მიუყენებიათ.

„როგორც ჩემი ძმა ამბობს, კონფლიქტი ბავშვების გამო დაიწყო, უცხო ქვეყნის მოქალაქეები ბავშვებს საფეხბურთო მოედანზე არ უშვებდნენ. ერთ-ერთი ბავშვი შევიდა, თუმცა მას წამოარტყეს და აცრემლებული გამოუშვეს. ეს რომ ჩემმა ძმამ დაინახა საქმეში გარკვევას შეეცადა. სტადიონზე მხოლოდ ჩემი ძმა შევიდა, პასუხად კი ინგლისურ ენაზე შეაგინეს, შემდეგ ფიზიკურ შეურაცხყოფაზე გადავიდნენ. ქალების ყვირილზე მეზობელი კაცებიც გამოვიდნენ და შემდრეგ მოხდა ის, რაც კადრებშია ასახული. რის ნიადაგზე დაიწყო ეს ყველაფერი ეს კადრებში არ ჩანს.

საქართველოს მოქალაქეები მოძალადეები არ არიან, ნიგერიელ სრტუდენტებს მათი კანის ფერის გამო არავინ დაპირისპირებია. ქართველიც რომ ყოფილიყო და პატარა ბავშვისთვის შეურაცხყოფა მიეყენებინა, ჩემი ძმა მათთან მიმართებითაც ანალოგიურს გააკეთებდა და იგივეს გავაკეთებდი მეც. საუბარია ბავშვებზე, კანის ფერი არაფერ შუაშია“- განუცხადა „ნიუპოსტს“ ინცინდენტში მონაწილე პირის ძმამ.

მისი თქმით, გიორგი ჯიქურაშვილი პოლიციამ უკვე გამოკითხა.

8 აპრილს, აფრიკელმა სტუდენტმა ბენ ზეგემ სოციალურ ქსელში, ბელიაშვილის ქუჩაზე გადაღებული ვიდეო გაავრცელა, სადაც ჩანს, რომ მათ ადგილობრივები ფიზიკურ შეურაცხყოფას აყენებენ.

მომხდარზე შინაგან საქმეთა სამინისტრომ გამოძიება სსკ-ის 126-ე, ძალადობის მუხლით დაიწყო.