წუხელ გვიან ღამით ქურდობა მოხდა ოზურგეთის მუნიციპალიტეტის სოფელ ნატანებში.

გამოძიებისთვის ჯერ-ჯერობით დაუდგენელმა პირებმა, იუსტიციის სახლის მომსახურების სერვისცენტრი გაქურდეს.

როგორც "გურიის მოამბეს" ადგილობრივები უყვებიან, ქურდებმა შენობაში შეღწევა შეძლეს და იქედან სოლიდური თანხა მოიპარეს:

"წუხელ საშინელი ნისლი იყო. შეიძლება ამის გამოც ვერ შეამჩნიეს, გაუტეხავთ კარები და გაუტანიათ თანხა. როგორც იქ ამბობდნენ, დაახლოებით ასი ათასამე ლარია წაღებულიო, რადგან, ხელფასები ყოფილა გასაცემად დარიცხული. მთელი ღამე იქ იმყოფებოდა პოლიციის რამდენიმე ეკიპაჟი, კიდევ არის თუ არა რამე წაღებული, ეს არ ვიცი. ან ტექნიკა, ან სხვა რამ. ჯერ მხოლოდ ფულზე გამოვიდა ინფორმაცია"-გვითხრეს ადგილობრივებმა.

ნატანებში მომხდარი ქურდობის ეს უკვე მერამდენე ფაქტია. სოფელში არა ერთხელ გაქურდეს "ლიბერთი ბანკის" მომსახურების სერვისცენტრი და პეი აპარატები.