პროფკავშირების წარმომადგენელის, ნიკა კაკაშვილის განცხადებით, მაღაროში მომხდარი ტრაგედიის ადგილის დათვალიერებისას ბევრი ვერსია გამოიკვეთა. იგი "მინდელის მაღაროში" გუშინ ექსპერტებთან ერთად იმყოფებოდა.

"სამთო დარტყმის გარდა, მომხდარის მიზეზი შეიძლება საამფეთქებლო სამუშაო ყოფილიყო, რამაც სამთო დარტყმის პროვოცირება მოახდინა. არის სხვა ვერსიებიც.

კვალი თითქმის მთლიანად წაშლილია. ტექნიკური ექსპერტიზის წარმომადგენლები იყვნენ, სინჯები აიღეს. ობიექტური შედეგი რომ გავიგოთ, ალბათ, გამოძიებას უნდა დაველოდოთ. შემთხვევის ადგილთან ცვლის უფროსი იყო ყველაზე ახლოს და მისი ჩვენება იქნება საინტერესო", - აცხადებს კაკაშვილი.

მისი თქმით, ტრაგედიის ადგილის კვლევა სამშაბათს განახლდება.