პირველკლასელთა რეგისტრაცია 2018-2019 სასწავლო წლისთვის 10 აპრილს დაიწყება

განათლება - 13:19, 29 Mar, 2018

7276

ზოგადსაგანმანათლებლო დაწესებულებებში პირველკლასელთა რეგისტრაცია 2018-2019 სასწავლო წლისთვის, შარშანდელის მსგავსად 10 აპრილს დაიწყება.

რეგისტრაციის ეტაპების შესახებ დეტალური ინფორმაცია სამინისტროში გამართულ ბრიფინგზე გამოცხადდება.

პირველკლასელთა რეგისტრაცია წელსაც რამდენიმე ეტაპიანი იქნება.

რეგისტრაცია განხორციელდება 3 ეტაპად:

I ეტაპი: რეგისტრაცია განხორციელდება სკოლებში.

რეგისტრირდებიან ის მოსწავლეები:

• რომლის და-ძმაც სწავლობს ამ სკოლაში;

• რომლის მშობელიც სკოლის თანამშრომელია;

• რომლის ოჯახიდან ერთდროულად ორი ან მეტი ბავშვი შედის პირველ კლასში;

I ეტაპზე დარეგისტრირებული მოსწავლის ჩასარიცხად აუცილებელი დოკუმენტების მიღება განხორციელდება სკოლაში

II ეტაპი: საყოველთაო ელექტრონული რეგისტრაცია

შესაძლებელი იქნება იმ ბავშვების რეგისტრაცია, ვინც სკოლაში შესვლის ასაკს აკმაყოფილებს. რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე www.emis.ge

ზოგადსაგანმანათლებლო დაწესებულებებში II ეტაპზე რეგისტრირებული მოსწავლის ჩასარიცხად აუცილებელი დოკუმენტების მიღება განხორციელდება 2 ივნისიდან 15 ივნისის ჩათვლით.

I და II ეტაპზე მოსწავლის ჩასარიცხად აუცილებელი დოკუმენტების განსაზღვრულ ვადებში წარუდგენლობის შემთხვევაში, რეგისტრაცია ავტომატურად უქმდება.

III ეტაპი: რეგისტრაცია განხორციელდება სკოლაში

რეგისტრაცია განხორციელდება სკოლაში II ეტაპის დასრულების შემდგომ გამოთავისუფლებულ ვაკანტურ ადგილებზე, მოსწავლის ჩასარიცხად აუცილებელი დოკუმენტაციის წარდგენის საფუძველზე. მესამე ეტაპზე დარეგისტრირების მსურველები დოკუმენტაციას წარადგენენ უშუალოდ სკოლაში მისვლის დროს.