"პოლიციას აერია და მაგიტომ დამიჭირეს“ - „ლენდოს“ საქმეში ყოფილი ბრალდებული შს მინისტრს მიმართავს

საზოგადოება - 20:00, 28 Mar, 2018

3764

ზუგდიდში, მიკროსაფინანსო ორგანიზაცია „ლენდოს“ დაყაჩაღებაში ყოფილი ბრალდებული გიორგი კუკავა პოლიციის სამმართველოს უფროსად გიორგი გვილავას შესაძლო დანიშვნას აპროტესტებს.

როგორც კუკავამ „ნიუპოსტის“ კორესპოდენტს განუცხადა, ფლობს ინფორმაციას, აღნიშნულ პოზიციაზე ერთ-ერთ კანდიდატურად გვილავას დანიშვნას განიხილება, რომელიც დღეს ამავე სამმართველოში უფროსის მოადგილეა. მისივე განმარტებით, გვილავა ფლობდა ინფორმაციას იმის შესახებ, რომ უდანაშულო იყო მაგრამ რეაგირება არ მოუხდენა მეტიც, „ლენდოს“ თანამშრომლებიც ადასტურებენ ფაქტს, რომ ჩვენება ძალით დააწერინეს.

გიორგი კუკავა შინაგან საქმეთა მინისტრს გიორგი გახარიას მიმართავს, რომელიც მისი ინფორმაციით, სამხარეო პოლიციის შენობაში იმყოფება, არ დაუშვას უფროსის პოზიციაზე გიორგი გვილავას დანიშვნა.

ყოფილი ბრალდებული გვილავას სამსახურეობრივი უფლებამოსილების გადამეტებაში და უკანონო ქმედებებში ადანაშაულებს, რადგან სამართლადამცავებს "ლენდოს" დაყაჩაღების საქმეზე სახის ნიღაბი აერიათ და სწორედ ამიტომ შემთხვევით მისი დაკავება მოხდა.

"ლენდოს" დაყაჩაღების ფაქტზე დაკავებული ზურაბ ფარცვანიაა, რომელსაც 14 მარტს ზუგდიდის რაიონულმა სასამართლომ 5 წლითა და 4 თვით პატიმრობა მიუსაჯა.