საზოგადოებრივი მაუწყებლის მემონტაჟის მამუკა ბერძენიშვილის შეწყალება სთხოვეს ჟურნალისტებმა საქართველოს პრეზიდენტს.

მამუკა ბერძენიშვილის სასამართლომ რამდენიმე დღის წინ 2 გრამი MDMA-ის ფლობისთვის 8 წლით თავისუფლების აღკვეთა მიუსაჯა.

"მიგვაჩნია, რომ ნარკოპოლიტიკა და შესაბამისი კანონები სასწრაფო ცვლილებებს საჭიროებს. იმის ფონზე, რომ ადამიანები გაუპატიურებისთვის 6-დან 8 წლამდე მიდიან, წამებისთვის 7-დან 10 წლამდე, მკვლელობისთვის 7-დან 15 წლამდე, ხოლო ნარკოპოლიტიკისთვის გავრცელებისთვის შეიძლება 6 წლით დაისაჯონ, მცირე ოდენობის ნარკოტიკის ფლობისთვის, ან პირადი მოხმარებისთვის 8 წლით პატიმრობის შეფარდება, სახელმწიფოს მხრიდან აბსოლუტურად არაადეკვატური და არაადამიანური ნაბიჯია", - მიმართავენ ჟურნალისტები პრეზიდენტსა და საქართველოს პარლამენტს.