გუდაურში 16 მარტს მომხდარი ინციდენტი, რომლის ფარგლებშიც საბაგირო დაზიანდა და დაშავდნენ ტურისტები - საქართველოს ეკონომიკის მინისტრის დიმიტრი ქუმსიშვილის განცხადებით, აღნიშნული ოპერატორის მიერ დაშვებულმა შეცდომამ გამოიწვია.

ქუმსიშვილის ინფრომაციით, მომხდარი ინციდენტის გამო, მთის კურორტების სააგენტოს დირექტორის მოადგილემ ტექნიკურ დარგში ირაკლი ჭირაქაძემ და ასევე გუდაურის მთის მართვის დეპარტამენტის უფროსმა, კოტე ქადაგიძემ თანამდებობა დატოვეს.

„მე მომართა ორმა ადამიანმა, რათა შეჩერებულიყო მათი მოვალეობები, ეს არის მთის კურორტების სააგენტოს დირექტორის მოადგილე ტექნიკურ დარგში და ასევე გუდაურის მთის მართვის დეპარტამენტის უფროსი. ეს ორი ადამიანი ასევე იღებს პასუხისმგებლობას, ისინი აღნიშნულზე გრძნობენ მორალურ პასუხისმგებლობას. მათ მომმართეს, რათა შეჩერებოდათ უფლებამოსილება”, – განაცხადა დიმიტრი ქუმსიშვილმა.