არსებული ინფორმაციით, შპს ვარკეთილი 96-ის გარდა, მოკლულს წილები ჰქონდა სხვა კომპანიებშიც.
მამაკაცს საცხოვრებელ ბინაში ცეცხლსასროლი იარაღიდან დღის პირველ ნახევარში ესროლეს.
როგორც გარდაცვლილის ახლობლები ყვებიან, ბიზნესმენი საკუთარ სახლში 30 წლამდე ასაკის მამაკაცმა ჩაცხრილა. კახიძეს 7 -მდე ტყვია აქვს მოხვედრილი.
მოკლულის ოჯახის წევრთა თქმით, მკვლელობაში ბრადებული ბიზნესმენის ოჯახს ბანკის თანამშრომელის სახელით გაეცნო და უთხრა, რომ წერილი უნდა გადაეცა. მას შემდეგ, კი რაც დამხმარე ქალმა კარი გააღო, მამაკაცმა ცეცხლი გახსნა.
ოჯახის ახლობლების ინფორმაციით, დაჭრილია დამხმარე ქალიც.
როგორც "ნიუპოსტს" შინაგან საქმეთა სამინისტროში განუცხადეს, მომხდარზე გამოძიება სსკ-ის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვას გულისხმობს.
შემთხვევის ადგილზე ექსპერტ-კრიმინალისტები მუშაობენ.
მასალის გამოყენების პირობები