არჩილ ტატუანშვილის მკვლელობა - სასამართლო სამედიცინო ექსპერტი ირაკლი თოიძე აცხადებს, რომ ცხედრის პირველადი დათვალიერებით, მას სხეულზე მრავლობითი დაზიანებები აღენიშნებოდა და შეიძლება გამოითქვას ეჭვი, რომ წამებას ჰქონდა ადგილი:

„სხეულზე აღენიშნებოდა მრავლობითი ხასიათის დაზიანებები, ნაჭდევების სახით, სისხლნაჟღენთების სახით, თითქმის მთელ სხეულზე, ყველაფერი აღწერილი გვაქვს, ფოტოები დაერთვება დასკვნას, რენდგენოგრაფია ჩაუტარდა გვამს და ეჭვი იყო თითების მოტეხილობაზე, მაგ კუთხით მანიპულაციები ჩატარდა, რენდგენის დასკვნა დაიდება და ყველაფერს გვიჩვენებს, სხეულზე არსებული მრავლობითი დაზიანებების მიხედვით, ალბათ უნდა ვივარაუდოთ, რომ წამებას ჰქონდა ადგილი“, - აცხადებს ირაკლი თოიძე.