წმინდა პატრიკის დღესასწაულზე თბილისის ანძა მწვანედ განათდა

საზოგადოება - 19:51, 17 Mar, 2018

3255

წმინდა პატრიკის დღე ქრისტიანული დღესასწაულია, რომელიც მთელ მსოფლიოში 17 მარტს აღინიშნება. მან სახელი მიიღო წმინდა პატრიკის საპატივსაცემოდ (ჩვ.წ. 387-461 წწ.), წმინდა პატრიკის დღე ოფიციალურ დღესასწაულად გამოცხადდა მე-17 საუკუნის დასაწყისში და შემდგომ გახდა ირლანდიური კულტურის ზეიმი.

წმინდა პატრიკის დღე სახალხო დღესასწაულია ირლანდიის რესპუბლიკაში, ჩრდილო ირლანდიაში, ნიუფაუნდლენდსა და ლაბრადორში და მონტსერრატში. ის ასევე ფართოდ აღინიშნება ირლანდიური დიასპორის მიერ გაერთიანებულ სამეფოში, კანადაში, აშშ-ში, არგენტინაში, ავსტრალიაში და ახალ ზელანდიაში. ამ დღესასწაულის ძირითადი მახასიათებელია მწვანე ფერი. აღნიშნულ აქციას მსოფლიოს ბევრი ქალაქი უერთდება და 17 მარტს მწვანედ ნათდება მსოფლიოს არაერთი ღირშესანიშნაობა: თავისუფლების ქანდაკება, პირამიდები, ჩინეთის დიდი კედელი, სიდნეის ოპერა და ა.შ. უკვე მესამე წელია ამ აქციას უერთდება საქართველოც, წელს წმინდა პატრიკის დღესასწაულზე მწვანედ თბილისის ანძა განათდა.

წმ. პატრიკის დღესასწაულზე მსოფლიო ღირსშესანიშნაობების მწვანედ განათება ირლანდიის ტურიზმის სააგენტოს ინიციატივის “Global Greening”-ის ფარგლებში ხორციელდება. როგორც ირლანდიის საგარეო საქმეთა მინისტრმა აღნიშნა, ეს ინიციატივა ირლანდიასა და მსოფლიოს მრავალი ქვეყნის შორის მეგობრობის სიმბოლოა, რაც ირლანდიას აძლევს არსებული ურთიერობების გაღრმავებისა და ახალი კავშირების დამყარების შესაძლებლობას.