11 მარტს საქართველოს მორაგბეთა ნაკრებმა რუსეთი მეოცედ დაამარცხა. მატჩმა დაძაბულ ვითარებაში ჩაიარა, თუმცა საბოლოოდ გამარჯვება ბორჯღალოსნებს დარჩათ და მათ რუს „დათვებს“ 29-9 სძლიეს. ქართველი გულშემატკივრებისთვის რუსეთთან მიღწეულ გამარჯვებას ყოველთვის დიდი მნიშვნელობა აქვს და ეს შეხვედრები ყოველთვის დიდ ყურადღებას იმსახურებს, თუმცა ბევრ დაკვირვებულ თვალს გამორჩა ერთი მნიშვნელოვანი დეტალი- ქართველი მორაგბეების ნაწილი რუსეთში, მოედანზე შავი სამკლაურით გამოვიდა.
ქართველმა მორაგბეებმა ამ ჟესტით პატივი მიაგეს არჩილ ტატუნაშვილის ხსოვნას, რომელიც რუსეთის საოკუპაციო რეჟიმის მიერ კონტყროლირებად ტერიტორიაზე გაურკვეველ ვითარებაში მოკლეს და უკვე 17 დღეა ოჯახს მის ცხედარს არ უბრუნებენ.