როგორც ფალიაშვილის ქუჩს მცხოვრებლები „ნიუპოსტს“ პირად საუბრებში უყვებიან, ყელგამოჭრილი ქალი დედამ იპოვა.
გუშინვე დაკითხეს ის მეზობელი, რომელსაც გარდაცვლილლის დედამ საშველად დაუძახა.
მეზობების მონაყოლით, მარტოხელა ქალი არ მუშაობდა, თუმცა ჰყავდა პირადი მძღოლი, რომელიც ემსახურებოდა.
„როგორც ვიცით, არ მუშაობდა, მაგრამ გაგვიგია, რომ ფულს აპროცენტებდა, ანუ შეძლებულ ქალად ითვლებოდა, მძღოლიც კი ჰყავდა,“ - თქვა მეზობელმა, რომელმაც ვინაობის გამხელა არ ისურვა.
ამასთან, ერთ-ერთი მეზობლის ინფორმაციით, პოლიციამ მოკლულის მეგობარი მამაკაცი განყოფილებაში გუშინვე გადაიყვანა.
მეზობლის თქმითვე, აღნიშნული პიროვნება მოკლულთან ხშირად დაუნახავთ.
მომხდარზე გამოძიება სისხლის სამართლის კოდექსის 108-ე მუხლით აღიძრა, რაც განზრახ მკვლელობას გულისხმობს.
სასტიკი მკვლელობოსთვის ამ ეტაპზე არავინაა დაკავებული.
მასალის გამოყენების პირობები