საზოგადოებრივი მაუწყებლის ბორდის წევრობის კანდიდატი, ხატია ყურაშვილი „საზოგადოებრივი მაუწყებლის“ მორიგ სკანდალთან დაკავშრებით საუბრობს. ბორდის წევრობის კონკურსის მონაწილეთა ნაწილი პასუხისმგებლობას საპარლამენტო შესარჩევ კომისიას აკისრებენ. გადაცემა P.S.-ში გასული სიუჟეტიდან ირკვევა, რომ მაუწყებლის სამეურვეო საბჭოს ახალი და ხელისუფლებისათვის სასურველი წევრების შერჩევაში აქტიურად არიან ჩართული კომუნიკაციების კომისიის თავმჯდომარე, „ქართული ოცნების“ PR სამსახურის უფროსი და ასევე ყოფილი გენერალური პროკურორი.

არასამთავრობო ორგანიზაცია „საერთაშორისო გამჭვირვალობა - საქართველოს“ აღმასრულებელი დირექტორი, ეკა გიგაური აღნიშნავს, რომ საზოგადოებრივი მაუწყებლის ირგვლივ სკანდალი პირველი შემთხვევა არ არის.

„ცხადია, ძალიან რთულია, დავამტკიცოთ, ის, თუ კონკრეტულად, რაზე იყო საუბარი ამ შეხვედრაზე, თუმცა, მე ვფიქრობ, რომ ის, რომ კითხვის ნიშნები გაჩნდა, ზოგადად, გაუმჭვირვალე პროცესთან დაკავშირებით, ესეც არის ფაქტი და უფრო აღმაშფოთებელი არის შემდეგ, უკვე კომუნიკაციების მარეგულირებელი კომისიის თავმჯდომარის განცხადება იმასთან დაკავშირებით, რომ ის ჩაერთვება ბორდის არჩევის პროცესში,“ - განაცხადა ეკა გიგაურმა.