ვინ იყო მოზარდი, რომელიც ბარათაშვილზე შენობიდან შუშის ჩამოვარდნას ემსხვერპლა

საზოგადოება - 00:58, 01 Mar, 2018

11726

თბილისში, ბარათაშვილის ქუჩაზე შენობის ფასადიდან ჩამოვარდნილი მინა სკოლის 6 მოსწავლეს დაეცა. დაშავებული მოზარდებიდან ერთერთი 14 წლის ბიჭი საავადმყოფოში სიცოცხლისთვის შეუთავსებელი დაზინებების გამო გარდაიცვალა.

მინა "საქართველოს სახელმწიფო ელექტროსისტემის" შენობიდან ჩამოვარდა.

თვითმხილველების ინფორმაციით, შენობიდან შუშა იმ დროს ჩამოვარდა, როცა სკოლის მოსწავლეები მის გასწვრივ მიდიოდნენ. მათი თქმით, ბიჭი განსაკუთრებით მძიმე მდგომარეობაში იყო. მას ჭრილობა თავის არეში ჰქნოდა.

გარდაცვლილი მოზარდი 14 წლის ასლან მამედოვია თბილისის 70-ე საჯარო სკოლის, მეშვიდე კლასის მოსწავლე იყო. ის ოჯახთანე რთად ფონიჭალაში ცხოვრობდა.

შინაგან საქმეთა სამინისტრომ გამოძიება საქართველოს სსკ-ის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

მომხდართან დაკავშირებით განცხადება გაავრცელა „საქართველოს სახელმწიფო ელექტროსისტემამ". მათი განმარტებით, შენობის სარემონტო სამუშაოები 2008 წელს განხორციელდა და ამჟამად არანაირი სარემონტო სამუშაოები არც ფასადზე და არც შენობაში არ მიმდინარეობდა. „მიზეზების დასადგენად სამხარაულის ექსპერტიზა აწარმოებს მოკვლევას. მომხდარზე დაწყებულია საგამოძიებო მოქმედებები. ვთანამშრომლობთ სამართალდამცავ სტრუქტურებთან და ველოდებით გამოძიების შედეგებს."- აღნისნულია განცხადებაში.