ტრაგედია ბარათაშვილზე - შენობის მესაკუთრე „საქართველოს სახელმწიფო ელექტროსისტემა" განცხადებას ავრცელებს

საზოგადოება - 19:29, 28 Feb, 2018

7834

ბარათაშვილის ქუჩაზე მდებარე შენობა, რომლიდანაც ჩამოვარდნილმა მინის კონსტრუქციამ დღეს მოზარდის სიცოცხლე იმსხვერპლა სს „საქართველოს სახელმწიფო ელექტროსისტემას" ეკუთვნის, ამასთან დაკავშირებით „საქართველოს სახელმწიფო ელექტროსისტემა" განცხადებას ავრცელებს, რომელსაც "ნიუპოსტი" უცვლელად გთავაზობთ:
"დღეს, 28 თებერვალს, დაახლოებით დღის 15:30- ზე, სს „საქართველოს სახელმწიფო ელექტროსისტემის“ შენობის გარე ფასადიდან ჩამოვარდა მინის კონსტრუქციის ნაწილი, რის შედეგადაც დაშავდნენ მოზარდები, რომლებიც მომხდარისთანავე გადაიყვანეს საავადმყოფოში. სამწუხაროდ, ერთ-ერთი მათგანი, ასლან მამედოვი, საავადმყოფოში გარდაიცვალა. ჩვენ სამძიმარს ვუცხადებთ გარდაცვლილი მოზარდის ოჯახს და ახლობლებს. სიტყვები უძლურია ამ უდიდესი ტრაგედიის და ტკივილის გამოსახატავად. ამ მძიმე წუთებში ვდგავართ ოჯახის გვერდით. უსაფრთხოების მიზნით, შემთხვევის ადგილის პერიმეტრი შემოღობილია. შენობის მოსაპირკეთებელი სამუშაოები განხორციელდა 2008 წელს და ამჟამად არანაირი სარემონტო სამუშაოები არც ფასადზე და არც შენობაში არ მიმდინარეობდა. მიზეზების დასადგენად სამხარაულის ექსპერტიზა აწარმოებს მოკვლევას. მომხდარზე დაწყებულია საგამოძიებო მოქმედებები. ვთანამშრომლობთ სამართალდამცავ სტრუქტურებთან და ველოდებით გამოძიების შედეგებს."- აღნისნულია განცხადებაში.