გიორგი სანაიას მკვლელობის საქმე - პროკურატურის წარმომადგენლები მსჯავრდებულ კოტე ციხისთავთან იმყოფებოდნენ. ინფორმაცია ამის შესახებ ვახო სანაიმ „ტვ პირველის“ ეთერში გაავრცელა. სანაიას თქმით, პროკურატურას ციხისთავი არ დაუკითხავს, უბრალოდ მისგან ინფორმაცია მიიღო.

სანაია ამბობს, რომ ციხისთავმა გამომძიებლებთან თქვა ის, რაც სატელევიზიო ინტერვიუს დროს განაცხადა:

"შემიძლია დავადასტურო, რომ პროკურატურის წარმომადგენლები შეხვდენენ და ესაუბრნენ კოტე ციხისთავს, მისგან მიიღეს ინფორმაცია, სადაც ის ამბობს იმას, რაც თქვა სატელევიზო ინტერვიუში, მაგრამ ეს არ იყო დაკითხვა. ახლა მიმდინარეობს გამოძების წინა მოქმედებები, ინფორმაციის მიღება, ჩვენი იქ მისვლაც ამას ემსახურებოდა" აცხადებს ვახო სანაია.