საჯარო სექტორში მომუშავე პირები 4.99 ლარად 15 GB ინტერნეტის შეძენას ვეღარ შეძლებენ, ახალი ტენდერის პირობების თანახმად 4.99 ლარად მხოლოდ 5 000 MB მობილურ ინტერნეტის შეძენა იქნება შესაძლებელი. ეს ყოველივე ნათქვამია შესყიდვების სააგენტოს მიერ სახელმწიფო უწყებებისთვის სატელეკომუნიკაციო მომსახურებაზე გამოცხადებული ახალი ტენდერის პირობებში.

ახალი სატენდერო წინადადებების მიღება იწყება 2018 წლის 27 თებერვალს და მთავრდება 2018 წლის 1-ელ მარტს. სატენდერო კომისია სატენდერო წინადადებებს განიხილავს გონივრულ ვადაში და შედეგებს აქვეყნებს სისტემის მეშვეობით. გამარჯვებული პრეტენდენტის სატენდერო წინადადება ძალაშია 2019 წლის 31 იანვრის ჩათვლით.