მთაწმინდის ფერდობზე, შატბერაშვილის და კეკელიძის ქუჩების მიმდებარედ, მრავალსართულიანი საცხოვრებელი სახლის მშენებლობა სამოქალაქო საზოგადოების აქტივისტებმა და მოქალაქეებმა გააპროტესტეს.

მათი განცხადებით, მშენებლობის შეჩერების მოთხოვნით, სპეციალური პეტიცია შეიქმნა, რომლითაც ქალაქის მერს მოუწოდებენ მშენებლობა შეწყვიტოს.

აქციის ორგანიზატორების განცხადებით, შეიქმნა მოძრაობა „ქალაქი ჩვენია,“ სადაც გაერთიანებული იქნება ყველა ის ადამიანი, ვინც ქალაქში მიმდინარე მშენებლობებს ეწინააღმდეგება. მოძრაობაში გაწევრიანება ყველა მსურველს, მათ შორის პოლიტიკოსებსაც შეუძლია.