სუს-ის საინფორმაციო ანალიტიკური დეპარტამენტის უფროსის მოადგილის ინფორმაციით, არჩილ ტატუნაშვილს ოკუპირებული ცხინვალიდან სავარაუდოდ მომდევნო კვირის დასაწყისში გადმოასვენებენ.

„ჩვენ ვმუშაობთ იმასთან დაკავშირებით, რომ აუცილებელია ცხედრის გადმოსვენება უმოკლეს ვადაში და იმ ორი ადამიანის გადმოყვანა ცენტრალური მთავრობის მიერ კონტროლირებად ტერიტორიაზე, რომელიც ჯერ ვერ ახერხებს ამის გაკეთებას"- აცხადებს სუს-ის წარმომადგენელი.

კახა ქემოკლიძის თქმით, ცხედრის გადმოსვნებასთან დაკავშირებით მათ დე ფაქტო ხელისუფლების მხრიდან მოლოდინი ჰქონდათ, რომ ეს დღეს მოხდებოდა, მაგრამ მარიონეტული რეჟიმის წარმომადგენლებმა პოზიცია შეცვალეს.

"მათი განცხადებით, ეს სავარაუდოდ უნდა მოხდეს კვირის დასაწყისში, ორშაბათს ან სამშაბათს. ცხელი ხაზით მსგავსი ტიპის ინფორმაცია ჩვენ მივიღეთ მათგან”, - ამბობს ქემოკელიძე.