ცხინვალის ციხეში გარდაცვლილი არჩილ ტატუნაშვილის მამის, გიორგი ტატუნაშვილის თქმით, ცხედრის გადმოსვენება სავარაუდოდ დღეს ვერ მოხერხდება.

„ზარს ველოდებით ქეთევან ციხელაშვილისგან. მასთან გვაქვს კონტაქტი. ერგნეთიდან უნდა გადმოასვენონ'- აცხადებს გარდაცვლილის მამა.

არჩილ ტატუნაშვილის ცხედარს, ოკუპირებული ტერიტორიიდან სავარაუდოდ მას შემდეგ გადმოსვენებებენ, რაც ექსპერტიზას ჩაუტარებენ.

ოჯახი საოკუპაციო რეჟიმის გადაწყვეტილებას ელოდება.

არჩილ ტატუნაშვილის მამა, გიორგი ტატუნაშვილი, ოკუპირებულ რეგიონში შვილის გადმოსასვენებლად გუშინვე გაემგზავრა, თუმცა, შემდგომი პროვოკაციების თავიდან აცილების მიზნით, უკან დააბრუნეს.