"მსხვერპლის პირადი ცხოვრების გავრცელება მიუღებელია და არ შეესაბამება ადვოკატის საქმიანობის პრინციპებს"

"მსხვერპლის პირადი ცხოვრების გავრცელება მიუღებელია და არ შეესაბამება ადვოკატის საქმიანობის პრინციპებს" - დავით ასათიანი

საზოგადოება - 11:20, 24 Feb, 2018

2008

20 წლის ანა ნაცვლიშვილის მკველობაში ბრალდებულის ადვოკატის მიერ გოგონას პირადი ცხოვრების შესახებ გაჟღერებულმა ინფორმაციამ, ადვოკატ ნაირა ოტიაშვილის მიმართ კრიტიკა გამოიწვია.

საკითხს ადვოკატთა ასოციაციის თავმჯდომარე დავით ასათიანიც გამოეხმაურა.

მისი თქმით, ადვოკატის განცხადება მიუღებელიადა არ შეესაბამება ადვოკატის როლსა და საქმიანობის პრინციპებს.

ასათანი ქალთა მიმართძალადობის გახშირებული შემთხვევებზეც საუბრობს და აღნიშნავს, რომ ფემიციდის გახშირებული შემთხვევები უკვე ურთულეს პრობლემად გვექცა.

"ყველანი შეძრწუნებულნი ვართ ახალგაზრდა გოგონას სასტიკი მკვლელობით. ქალთა მიმართ ძალადობა და ფემიციდის გახშირებული შემთხვევები უკვე ურთულეს პრობლემად გვექცა, რაზეც სასწრაფო რეაგირებაა საჭირო როგორც ხელისუფლების, ისე საზოგადოების მხრიდან.

ორმაგად მტკივნეულია ის ფაქტი, რომ ამ კონკრეტულ შემთხვევაში, მსხვერპლის პირადი ცხოვრების დეტალების საჯაროდ გავრცელება მოხდა ადვოკატის მხრიდან, რაც მიუღებელია და არ შეესაბამება ადვოკატის როლსა და საქმიანობის პრინციპებს.

ადვოკატს, კლიენტის ინტერესების დაცვის გარდა, გააჩნია განსაკუთრებული საზოგადოებრივი პასუხისმგებლობა ხარისხიან მართლმსაჯულებაზე, რაც ასევე გულისხმობს ადამიანის პირადი ცხოვრების ფუნდამენტური უფლების მკაცრად დაცვასაც, მით უფრო მაშინ, როდესაც გარდაცვლილის შელახული პირადი უფლების აღდგენა ვერ განხორციელდება.

მინდა საზოგადოების გასაგონად განვაცხადო, რომ ქართველ ადვოკატთა უმრავლესობა თავდადებით შრომობს მოქალაქეთა დასაცავად და სწორად ესმის საკუთარი როლი, თუმცა, სამწუხაროდ, არის გამონაკლისი შემთხვევები და შეცდომები, ხანდახან მძიმეც, რაც გულწრფელად მაშფოთებს. ადვოკატთა ასოციაცია მოახდენს ადეკვატურ რეაგირებას, რათა გამოირიცხოს მსგავსი ფაქტები"- აცხადებს ადვოკატთა ასოციაციის თავმჯდომარე.