კრიმინალური პოლიციის ყოფილი უფროსი რობაქიძის საქმეზე განცხადებას აკეთებს. საქართველოს ფარგლებსგარეთ მცხოვრები მაღალჩინოსანი ზაზა ბაქრაძე აცხადებს, ბუტა რობაქიძის გარდაცვალების ღამეს შემთხვევის ადგილზე 40-50 წუთის შემდეგ მივიდა:

„მე დაახლოებით 40-50 წუთში ვიყავი შემთხვევის ადგილზე, იქ არც ერთი იარაღი არ მინახავს, არც საბრძოლო მასალა, არც ავტომატური ცეცხლსასროლი იარაღი და არც პისტოლეტი“, - აცხადებს ზაზა ბაქრაძე.

ბაქრაძის ბრალდებებს პასუხობს შსს-ს პრესსამსახურის ყოფილი უფროსი, რომელმაც „ნიუპოსტს“ სკანდალური დოკუმენტაცია მიაწოდა, საიდანაც ირკვევა, რომ ზაზა ბაქრაძე ტყუის, როცა აღნიშნავს, რომ იგი შემთხვევის ადგილზე 40-50 წუთის შემდეგ მივიდა:

„ზურაბ ბაქრაძეს რომ გეგმავს ვითომ საპროცესო გარიგებას, დიდი ხანია ვიცით ეს მოლაპარაკებები ფარულად როგორ აქვს დაწყებული. ერთხელ პროკურატურას უთხრა, რომ ჩამოვიდოდა და ჩემს წინააღმდეგ ჩვენებას მისცემდა, ამაზე თავის დროზე გარკვეული თანხა გადაურიცხა კბილაშვილმა და ბაქრაძემ გადააგდო. ახლა მოენატრა საქართველო?! ჩამობრძანდეს, რა პრობლემაა, გააფორმოს საპროცესო და თუ უნდა ათჯერ დაგვადოს ხელი. ვერსად გაექცევა მის მიერ სავარაუდოდ ჩადენილ დანაშაულს. თუ ერთი ზურაბ ბაქრაძე ამბობს აღვირახსნილობას და სამარცხვინო ტყუილს, აქეთ დგას კიდევ 4 და 5 ადამიანი. მას უპირებენ, რომ გაუფორმონ საპროცესო გარიგება და ვითომ ამ საქმეს მოაცილონ, იმის სანაცვლოდ, რომ ჩვენ ხელი დაგვადოს. ზურაბ ბაქრაძემ კი არა, 100-მა კაცმა რომ დაგვადოს ხელი, უტყუარად დადასტურებულია, რომ გასროლიდან იარაღების პოვნამდე, სანამ ბუტა რობაქიძე ცოცხალია, დაჭრილ მდგომარეობაში, ფირი არის უწყვეტი და არ არის მონტაჟი. დღეს დაადასტურა სხვათა შორის შსს-ს ექსპერტიზამ, რომ სამ წუთამდე მტკიცებულებად წარდგენილ ფირში არ შეინიშნება მონტაჟის არანაირი კვალი. ზურა ბაქრაძემ რაც უნდა ის ილაპარაკოს, თუ ფიქრობს, რომ აქეთ შეგვაწმენდს მის მიერ სავარაუდოდ ჩადენილ დანაშაულს, ძალიან უჩქარია. ზურა ბაქრაძე დღეს რომ ამას ლაპარაკობს, ზეგ სხვა რამე რომ შეიცვლება, იტყვის, როგორ ათქმევინეს ეს და ა.შ. შემდეგ იმ ადამიანების გვარებს ჩამოთვლის, ვინ ჩაადენინა ახალი დანაშაული. თუ ასეთი მართალი იყო ზურა ბაქრაძე, მანამდე დამჯდარიყო საბრალდებო სკამზე ჩვენთან ერთად, კი არ გაიქცეოდა“, - აღნიშნავს გურამ დონაძე.