ძარცვის პირველი შემთხვევა 2018 წლის 11 იანვარს დაფიქსირდა, სამმა არასრულწლოვანმა გაიტაცა 5000 ლარი და 3 მობილური ტელეფონი. 2018 წლის 13 თებერვალს კი უკვე 7 არასრულწლოვანი დაფიქსირდა ვიდეო ჩანაწერზე, ორგანიზებულმა ჯგუფმა „მეგატექნიკის“ მაღაზიიდან 26 მობილური და 1 პლანშეტი გაიტაცა.
"ამავე უბანში „მეგატექნიკის“ მაღაზიის მიმდებარედ სხვა სავაჭრო დაწესებულებაც გაიძარცვა. გამოძიება ჯერ-ჯერობით წინ არ წასულა. სავალალოა ასეთი შემთხვევების მზარდი სტატისტიკა, ყოველდღიურად დიდი ზიანი ადგება სხვადასხვა დიდ თუ მცირე ბიზნესს.
„მეგატექნიკა“ უკვე 22 წელია საყოფაცხოვრებო ტექნიკის ბაზარზე მოღვაწეობს და ასეთ შემთხვევას 90-იანი წლებიდანაც კი ვერ იხსენებს. კომპანიისთვის ძალიან სამწუხაროა რომ ბიზნესი თავს აღარ გრძნობს დაცულად. „მეგატექნიკას“ ყველა ცივილური ზომა გვაქვს მიღებული უსაფრთხოებისთვის, „მეგატექნიკის“ თერთმეტივე ფილიალს იცავს დაცვის პოლიცია და მაღაზიები აღჭურვილია სათვალთვალო კამერებით. კომპანია ელოდება სახელმწიფო უწყებების რეაგირებას, ძარცვების ფაქტის გამოძიებასა და ჯანსაღი გარემოს დაბრუნებას საზოგადოებასა და ბიზნესში.
„მეგატექნიკა“ მზად არის დამატებითი ინფორმაცია და მასალები მიაწოდოს ყველა დაინტერესებულ პირს და ითანამშრომლოს მედია საშუალებებთან და სახელმწიფო ორგანიზაციებთან. კომპანიის სურვილია, ცნობადობა გაიზარდოს მსგავსი გახშირებული ძარცვის ფაქტების მიმართ, მეტი და უფრო გულისხმიერი ყურადღება მიექცეს ასეთ შემთხვევებს და სწრაფად მოხდეს გამოძიება და ამით, საბოლოო ჯამში, ხელი შეუწყოს გარემოს დასტაბილურებას" - აღნიშნავენ ტექნიკის მაღაზიაში.
მასალის გამოყენების პირობები