ჩვენება, რომელიც დოდო გუგეშაშვილმა მისცა, პოლკოვნისკის ძმას კითხვებს უჩენს

საზოგადოება - 12:39, 14 Feb, 2018

4101

დოდო გუგეშაშვილის ძმა, თეიმურაზ გუგეშაშვილი ამბობს, რომ ჩვენება, რომელიც დოდო გუგეშაშვილმა მასზე და მის შვილზე განხორციელებული თავდასხმის შესახებ მისცა, კითხვებს აჩენს.

„ვერაფერს გამოვრიცხავ, ნოდარისგან ნაწყენი არასდროს არავინ არ ყოფილა, გარდა იმ ფაქტისა, რომელიც 15 წლის წინ მოხდა“ - თქვა გუგეშაშვილმა ჟურნალისტების კითხვის საპასუხოდ, რომლებიც დაინტერესდნენ, გამორიცხავს თუ არა დაქირავებული ქილერის ვერსიას?!

რაც შეეხება ექსპერტიზის ბიუროში ვიზიტს, დაჭრილი პოლკოვნიკის ძმა აღნიშნავს, რომ ბიუროში გასროლასთან დაკავშირებით ინფორმაციის მისაღებად იმყოფებოდა.

„მაინტერესებდა სროლასთან დაკავშირებით ინფორმაცია. ექსპერტიზის პასუხის გაცნობის უფლება არ მაქვს, მაგრამ რაც შესაძლებელი იყო გავიგე, რომ არის გამჭოლი ჭრილობა, დაზიანებულია ორივე ფილტვი, ასევე ხორხი და საძილე არტერიაც. ეს იყო სიკვდილის მიზეზი“, - განაცხადა გუგეშაშვილმა.

რაც შეეხება დაკითხვას, გუგეშაშვილის ძმამ არ იცის ჰქონდა თუ არა გამოძიებას კთხვები ბიზნესთან დაკავშირებით, თუმცა აცხადებს რომ მის დას არანაირი ბიზნესი არ ჰქონია.

„დაკითხვაზე რამდენიმე წუთით ვიყავი, ვიღებდი ცნობას, რომ ცხედარი სამხარაულიდან გამომესვენებინა. რაც შეეხება ბიზნესს, დოდოს საერთოდ არავითარი ბიზნესი არ ჰქონია. ასევე გელა ნიკოლეიშვილისგან რაც მოვისმინე ჩანაწერი, ეს არის ის, რომ ვიღაც პიროვნებას უკრაინაში რაღაცის გადაადგილებაზე დახმარება უნდოდა, რა იყო ეს პროდუქცია, არ ვიცი“, - განაცხადა თეიმურაზ გუგეშაშვილმა.