ცემით და ჩაქოლვით მოკლული 72 წლის მამაკაცი - სასტიკი დანაშაული თბილისში

საზოგადოება - 00:48, 12 Feb, 2018

2897

კონფლიქტი მეზობლებს შორის, რომელიც ჯგუფურ თავდასხმასა და მკვლელობაში გადაიზარდა - შემთხვევა თბილისში მოხდა. ელვერ გარაბაღლი, მეზობლებს, მისი 72 წლის მამის ცემასა და ჩაქოლვაში ადანაშაულებს.

გარაბაღლი ამბობს, რომ ისინი, ვინც მისი 72 წლის მამა ცემით მოკლა, სასამართლომ გირაოს სანაცვლოდ გაათავისუფლა, ახლა კი მის ოჯაზე მუქარა თითქმის ყოველდღიურად გრძელდება.

ელვერ გარაბაღლის თქმით, მამის გარდა, მეზობლებმა სცემეს მისი შვილი და დედა. მის ოჯახზე ფიზიკურ თავდასხმას, გარაბაღლის თქმით, მეზობლები შეესწრნენ, თუმცა მათი ჩვენება საქმეში არ დევს. თვითმხილველები ამბობენ, რომ იმ დღეს, როდესაც გარაბაღლის ოჯახს უსწორდებოდნენ, არაფერი დაუნახავთ. ამის მიზეზად ოჯახი, მოწმეებზე მუქარას ასახელებს. გარაბაღლი ამბობს, რომ ასევე ემნუქრებიან მისი 21 წლის შვილს, რომელიც ბაბუის მკვლელობას შეესწრო.

ეთნიკური შეუწყნარებლობის ნიადაგზე, ჯგუფური ცემის საქმეს სასამართლო 3 წელია იხილავს. ბრალდებულები დარწმუნებული არიან, რომ მათ ბრალეულობას სასამართლო ვერ დაადგენს. პროკურორი კი დარწმუნებულია, რომ მიუხედავად მოწმეთა მიერ ჩვენებების შეცვლისა, არსებობს საკმარისი მტკიცებულებები ბრალდებულთათვის დანაშაულის დასამტკიცებლად.