თვითმხილველებმა ორი ბიჭი დაინახეს, რომლებმაც დაჭრის შემდეგ გაქცევა მოახერხეს.
"ბიჭი საკაცით გამოიყვანეს, ამბობენ გადაჭრილი თოფიდან ესროლესო. ორნი ყოფილან, ამბობენ თანატოლებმა დაჭრესო"- ყვება თვითმხილველი.
მისი თქმით, გასროლის ხმის გაგებამდე დაინახა, რომ 18 წლის ბიჭს ორი ახალგაზრდა მისდევდა და სადარბაზოშიც შეყვნენ.
"სულ ორი გასროლა გაისმა, რა დროსაც 18 წლის ახალგაზრდა ფეხში დაიჭრა"- აღნიშნა ადგილობრივმა.
მედიკოსების თქმით, პაციენტს მდგომარეობა სტაბილურია, ილო ფარცვანიას მრავლობითი ჭრილობები აღენიშნება, რადგან საფანტიდან ესროლეს.
"რამდენია ჭრილობა, რამდენი საფანტი იყო, ამას თვითონ ექსპერტიზა დაადგენს,“ - განაცხადა კლინიკის დირექტორმა, გიორგი შათირიშვილმა.
დაჭრილი ახალგაზრდა იმ კორპუსში არ ცხოვრობდა, რომლის სადარბაზოშიც ის დაჭრეს. სასწრაფო დახმარების ბრიგადა ადგილორბივებმა გამოიძახეს.
დაშავებულის დედისთვის უცნობია მომხდარის დეტალები.
"სამსახურიდან მოვედი, ექიმმა დამირეკა, სხვა არაფერი ვიცი"- აცხადებს ილო ფარცვანიას დედა.
შსს-ს ინფორმაციით, გამოძიება 117-ე, ჯანმრთელობის განზრახ მძიმე დაზიანების და 236-ე, ცეცხლსასროლი იარაღის უკანონოდ შეძენა-შენახვის მუხლით მიმდინარეობს.
მასალის გამოყენების პირობები