დოდო გუგეშაშვილის ჯანმრთელობის მდგომარეობა სტაბილურად მძიმეა, მას ქირურგიული ოპერაცია ცაუტარდა და ამ დროისათვის მოთავსებულია ღუდუშაურის კლინიკის კრიტიკული მედიცინის დეპარტამენტში. გუგეშაშვილის ჯანმრთელობის მდგომარეობაზე ღუდუშაურის კლინიკის კრიტიკული დეპარტამენტის ხელმძღვანელმა ნიკოლოზ ქარცივაძემ ისაუბრა:

„ამჟამად პაციენტი მკურნალობას გადის ღუდუშაურის ცენტრის კრიტიკული მედიცინის დეპარტამენტში, მისი მდგომარეობა სტაბილურად მძიმეა, სასიცოცხლოდ მნიშვნელოვანი ფუნქციები კონტროლს ექვემდებარება. პაციენტი სასწრაფო დახმარების ბრიგადამ შემოიყვანა, მისი მდგომარეობა იყო კრიკიტიკული, ადგილი ჰქონდა დიდ ოდენობით სისხლის დანაკარგს, იყო გულ-მკერდის არეში გამჭოლი ცეცხლნასროლი ჭრილობა, იყო სუნთქვის უკმარისობა გამოხატული და ძალიან სწრაფად იქნა პაციენტი აყვანილი საოპერაციოში. პაციენტი საძილე პრეპარატებისა და ანესთეზიკების ქვეშ არის, გარკვეული პერიოდი ალბათ ასე იქნება, შემდეგ შევაფასებ როგორ გავაგრძელოთ მკურნალობა. დაზიანების ფაქტი მეტად რთულია, შესაბამისი სირთულის იყო ოპერაციაც, შემოსვლის მომენტში მგდგომარეობა იყო კრიტიკული და არ მგონია ამ მომენტში მისი დაკითხვა შესაძლებელი ყოფილიყო“, - განაცხადა ქარცივაძემ.

შეგახსენებთ, რომ დოდო გუგეშაშვილი და მისი ვაჟი, ნოდარ გუგეშაშვილი დღეს დილით დიღმის მასივში მათივე საცხოვრებელ სახლში დაესხნენ თავს, ნოდარ გუგეშაშვილი ადგილზე გარდაიცვალა, დოდო გუგეშაშვილი კი მძიმედ დაიჭრა.