თბილისში, ატენის ქუჩაზე 27-სართულიანი სახხოვრებელი კორპუსის მშენებლობა - თბილისის მერიის გადაწყვეტილება დღეს უნდა გახდეს ცნობილი. ატენის ქუჩაზე მაცხოვრებელთა ადვოკატის განცხადებით, მოსახლეობა უკან დახევას არ აპირებს. იმ შემთხვევაში, თუ მერია ატენზე მშენებლობას არ გააუქმებს, ადვოკატი ქართულ და ევროპულ სასამართლოებში სარჩელის შესატანად მზად არის.

„მე ველი კონკრეტულ გადაწყვეტილებას, გადაწყვეტილებას თბილისისთვის და არა ატენისთვის, კონკრეტულად ქალაქ თბილისის მერისგან, კახა კალაძისგან. წინააღმდეგ შემთხვევაში, ჩვენ ვაპირებთ, რომ სასამართლოში გავასაჩივროთ დაუყოვნებლივ. პარალელურ რეჟიმში, მოვამზადებთ სტრასბურგის სასამართლოსთვის განაცხადს,“ - განაცხადა ადვოკატმა, დიმიტრი გაბუნიამ.