საქართველოს ახალგაზრდული ნაკრების ყოფილი მცველი, 25 წლის ნიკოლოზ აფაქიძე კარიერას აზერბაიჯანის ჩემპიონატში გააგრძელებს.

აფაქიძე ''საბაილთან'' გააფორმებს კონტრაქტს. ''საბაილში'' კიდევ ერთი ქართველი მცველი თამაზ ცეცხლაძე ირიცხება.

ნიკას უცხოეთში წარსულშიც უთამაშია, 2014-15 წლებში ლიტვის ა ლიგის ''ტრაკაიში'' ირიცხებოდა. მას ასევე უთამაშია ''ბაიაში,'' ''ზუგდიდში,'' ქობულეთის ''შუქურასა'' და ''რუსთავში.''

სხვათაშორის ნიკა დღეს მამა გახდა. 25 წლის ფეხბურთელსა და მის მეუღლეს მარიამ ბეჭვაიას პირველი შვილი, ბიჭი, ალექსი შეეძინათ.