საქართველოს მთავარი პროკურორის ინიციატივას, რომლის მიხედვითაც იგი თემირლან მაჩალიკაშვილის ოჯახის წევრებთან შეხვედრაზე მზადყოფნას გამოთქვამს, ადვოკატი მარიამ კუბლაშვილი ეხმაურება. მისი თქმით, თუ ირაკლი შოთაძესთან შეხვედრა გაიმართება, იგი აუცილებლად პანკისის ხეობაში უნდა შედგეს:

„ჩვენ გვსურს დავაზუსტოდ შეხვედრის დეტალები, კერძოდ, თუ სად გაიმართება ეს შეხვედრა. მე გავაჟღერებ პანკისის ხეობის მკვიდრების, უხუცესთა საბჭოს და აგრეთვე, გარდაცვლილ თემირლან მაჩალიკაშვილის ოჯახის წევრების პოზიციას და თხოვნას უპირველესად, რომ ეს შეხვედრა გაიმართოს პანკისის ხეობაში, სადაც მოხდება სათანადო დახვედრა. იქ გაჟღერდება ერთობლივი თხოვნა, ერთობლივად იქნება შეჯერებული მათი წუხილი და იქ უფრო ადვილი იქნება და კარგად გასაგები, თუ რატომ ითხოვდნენ ისინი კონკრეტულად მასთან შეხვედრას,“ - განაცხადა მარიამ კუბლაშვილმა.