შშმ პირებს საყოველთაო დაზღვევას უხსნიან? - მშობლებმა ჯანდაცვის სამინისტროსთან აქცია გამართეს

საზოგადოება - 15:05, 01 Feb, 2018

1859

შეზღუდული შესაძლებლობის მქონე ბავშვების მშობლებმა ჯანდაცვის სამინისტროსთან საპროტესტო აქცია გამართეს. როგორც აქციის მონაწილეები აცხადებენ, კერძო კლინიკები სადაზღვეო მომსახურებაში შესულ პროგრამაზე თანხას ახდევინებენ და ისინი სახელმწიფო პროგრამის ხარვეზებზე საუბრობენ.

უწყება მშობლებს პრობლემის აღმოფხვრას დაპირდა. მათი თქმით, პროგრამა ყოველგვარი ცვლილების გარეშე ხორციელდება და სამინისტრო კონკრეტულ შემთხვევებს შეისწავლის.

როგორც "ნიუპოსტს" აქციის ერთ-ერთმა მონაწილემ „დემოკრატიული გავითარების ცენტრის“ დირექტორმა თამარ იარაჯულმა განუცხადა, კლინიკები სადაც ბავშვებმა უნდა იმკურნალონ ამბობენ, რომ მსგავსი პროგრამა არ არსებობს.

„საყოველთაო დაზღვევა, რომელიც ყველა შშმ პირს ჰქონდა კლინიკებში გვეუბნებიან, რომ აღარ არსებობს. როდესაც ჯანდაცვის სამინისტროს ცხელ ხაზზე ვრეკავთ გვეუბნებიან, რომ არ პროგრამა მოხსნილა და მხოლოდ რაღაც ხარვეზებია, რომელიც მალე აღმოიფხვრება. ამასობაში 180 ლარის მქონე ოჯახები, რომელთა საარსებო მაქსიმუმი მხოლოდ ეს თანხააა ვეღარ მიყავთ კლინიკებში ბავშვები. მე პირადად, მხოლოდ ამ თვეში შემექმნა მსგავსი პრობლემა და არ დამიფინანსეს მაგრამ არიან მშობლები, რომლებიც რამდენიმე თვეა ვერ იღებენ დაფინანსებას, აიღეს ვალი და ასე ახერხებენ ბავშვების მკურნალობას. ზოგიერთი ამ თანხასაც ვერ იხდის და კლინიკებს სასამართლოში სარჩელი აქვთ მათ წინააღმდეგ შეტანილი. ჩვენ ყველა მშობელმა ვიცით, რომ არსებობს მსგავსი მომსახურება მაგრამ კლინიკები უარს გვეუბნებიან და აცხადებენ რომ არ ფინანსდება" - განაცხადა თამარ იარაჯულმა.