ამერიკელი ინჟინერი მეტროსადგურ „ვარკეთილში“ ჭერის ჩამონგრევის რამდენიმე მიზეზს ასახელებს და განმარტავს, რომ მომ,ხდარის მიზეზი დაბალი სტანდარტით შესრულებული სამუშაოებია. ამის შესახებ „ფეისბუკში“ ლევან ბოძაშვილი წერს.

„ახლახანს მქონდა საუბარი ერთ ამერიკელ ინჟინერთან, რომელიც წლებია, საქართველოში სხვადასხვა სამშენებლო პროექტებზე მუშაობს. მისი აზრით, მეტროში მომხდარი რამდენიმე მიზეზის ბრალია:
1. ქალაქის მიერ ძალიან დაბალი სტანდარტით შესრულებული სამუშაოს ჩაბარებით;
2. იმით, რომ მეტროსსადგურის კარის მუდმივი გაღება-დახურვის დროს ვაგონების მოძრაობა ქმნის წნევასა და ვაკუუმს და მოქმედებს კედლებზე (მისი აზრია) და მეტროს ადმინისტრაცია უარს აცხადებდა ამ საკითხის სხვაგვარად გადაჭრაზე.

3. წლებია, უკვე აქ მიმდინარე მშენებლობები არ აკმაყოფილებს 1930-იან წლებამდელ სტანდარტებსაც კი და რომ მას ბევრად უკეთესი შენობები აქვს დანგრეული უსაფრთხოების გამო ვიდრე აქ ახლები შენდება.

მისი აზრით, მხოლოდ კომპანიის დადანაშაულება არაფერს შეცვლის, თუ არ მოხდა ადმინისტრირების გაუმჯობესება და ადგილობრივი და ცენტრალური ხელისუფლების მხრიდან ჩაბარების სტანდარტის დაცვა. თავად სტანდარტებიც არ შეესაბამება დღევანდელ მოთხოვნებსო.
მისი თქმით, ის წლებია აკრიტიკებს სამშენებლო სექტორს საქართველოში და ამის გამო სააკაშვილის ზეწოლით კრიტიკისგან თავშეკავებაც მოუწია. ამჟამად აქ აღარ საქმიანობს,“ - წერს ბოძაშვილი.