კობა ზაქარაიას ცხედარს ექსპერტიზაზე აღარ გადაასვენებენ - ოჯახს და პოლიციას შორის შეთანხმება შედგა

საზოგადოება - 20:39, 29 Jan, 2018

1472

აფხაზეთში ავტოავარიისას დაღუპული კობა ზაქარაიას ცხედარს ექსპერტიზაზე აღარ გადაასვენებენ. აღნიშნული გადაწყვეტილება ზაქარაიას ოჯახისა და სამართალდამცევების რამდენიმესაათიანი მოლაპარაკების შემდეგ მიიღეს. "ნიუპოსტის" კორესპონდენტის ცნობით აფხაზეთის ა/რ პოლიცია, რომელიც ზუგდიდში მოქმედებს, დათანხმდა ზარქუების ოჯახის მოთხოვნას და ცხედარი ოჯახს ხელწერილის საფუძველზე გაატანა.

ოჯახის წევრების მხრიდან ექსპერტიზაზე უარის თქმა განპირობებულია იმით, რომ მათ დამნაშავეების დასჯის იმედი არ აქვთ. მათი თქმით, ორივე მძღოლი , რომელიც ავარიაში მონაწილეობდა აფხაზია, ისინი საქართველოს კონტროლირებად ტერიტორიაზე არ გადმოვლენ, აფხაზეთის ე.წ სამართალდამცავები კი მათ მაინც არ დასჯიან, შესაბამისად მათი თქმით ცხედრის ექსპერტიზისთვის ქუთაისში გადასვენებას აზრი აქ აქვს. აღნიშნული მოთხოვნით ოჯახს ზუგდიდის საავადმყოფოს ნაწილი ქონდა პიკეტირებული და სამართალდამცავებს ცხედრის გადასვენების საშუალებას არ აძლევდნენ.

ავტოსაგზაო შემთხვევა ჭუბურხინჯი-გალის გზაზე მოხდა. ერთმანეთს 3 ავტომობილი- ორი მსუბუქი და ერთი სატვირთო მანქანა შეეჯახა. ერთ-ერთ მსუბუქ ავტომობილს კობა ზაქარაია მართავდა, რომელიც მძიმე მდგომარეობაში მყოფი ზუგდიდში გადმოჰყავდათ, თუმცა ენგურის ხიდზე მესაზღვრეებმა ის დააყოვნეს, რამაც მისი მდგომარეობა კიდევ უფრო დაამძიმა და ის ზუგდიდის საავადმყოფოში მალევე გარდაიცვალა.