ხმაური ზუგდიდის საავადმყოფოში - აფხაზეთში ავარიისას დაღუპული ზაქარაის ოჯახი ცხედრის ექსპერტიზას ეწინააღმდეგება

საზოგადოება - 19:11, 29 Jan, 2018

3776

ზუგდიდი რეფერალურ საავადმყოფოში ხმაურია. აფხაზეთში ავტოავარიისას დაღუპული კობა ზაქარაიას ოჯახი ცხედრის ექსპერტიზაზე გადასვენებას ეწინააღმდეგენა. ადგილზე მობილიზებულნი არიან სამართალდამცავებიც.

ავტოსაგზაო შემთხვევა ჭუბურხინჯი-გალის გზაზე მოხდა. ერთმანეთს 3 ავტომობილი- ორი მსუბუქი და ერთი სატვირთო მანქანა შეეჯახა. ერთ-ერთ მსუბუქ ავტომობილს კობა ზაქარაია მართავდა, რომელიც მძიმე მდგომარეობაში მყოფი ზუგდიდში გადმოჰყავდათ, თუმცა ენგურის ხიდზე მესაზღვრეებმა ის დააყოვნეს, რამაც მისი მდგომარეობა კიდევ უფრო დაამძიმა და ის ზუგდიდის საავადმყოფოში მალევე გარდაიცვალა.

ოჯახის წევრების მხრიდან ექსპერტიზაზე უარის თქმა განპირობებულია იმით, რომ მათ დამნაშავეების დასჯის იმედი არ აქვთ. მათი თქმით, ორივე მძღოლი , რომელიც ავარიაში მონაწილეობდა აფხაზია, ისინი საქართველოს კონტროლირებად ტერიტორიაზე არ გადმოვლენ, აფხაზეთის ე.წ სამართალდამცავები კი მათ მაინც არ დასჯიან, შესაბამისად მათი თქმით ცხედრის ექსპერტიზისთვის ქუთაისში გადასვენებას აზრი აქ აქვს.

როგორც "ნიუპოსტის" კორესპონდენტი ადგილიდან იუწყება, ოჯახი ეჭვობს, რომ ცხედრის ექსპერტიზაზე გადასვენება მალულად მაინც მოხდა.