21-ე საუკუნის მძევლები სვანეთში - სამოქალაქო სექტორი სახელმწიფოს უმკაცრეს რეაგირებას მოითხოვს

საზოგადოება - 12:28, 29 Jan, 2018

1647

სვანეთში მამას 8 ბავშვი სახლში ჰყავს ჩაკეტილი და საზოგადოებასთან კონტაქტის საშუალებას და სკოლაში სწავლის უფლებას არ აძლევს. მისი თქმით, ნორმალურ ადამიანებად ჩამოყალიბება ჩაკეტილ სივრცეში უკეთესად მოხდება.

არასამთავრობო ორგანიზაციები უმძიმეს დანაშულზე საუბრობენ და სახელმწიფოს მოუწოდებენ ამ საქმესთან დაკავშირებით უმკაცრესი რეაგირება ჰქონდეს. მათი თქმით, საჭიროა ფსიქოლოგების აქტიური მუშაობა ოჯახთან.

„მინიმუმ, სახეზე გვაქვს არასრულწლოვნის კანონიერი ინტერესების უგულვებელყოფა, რაც გულისხმობს მშობლის მხრიდან არასრულწლოვანთა ფიზიკური თუ ფსიქიკური საჭიროებების დაუკმაყოფილებლობას, საბაზისო განათლების უფლების შეზღუდვას და ა.შ. ასევე, შესაძლებელია, რამდენიმე სისხლის სამართლის დანაშაულიც გვქონდეს სახეზე - მაგალითად, ოჯახში ძალადობა. უფრო მეტად შესაძლებელია ოჯახში ძალადობა გამოხატული იყოს ფსიქოლოგიურ ძალადობაში, რაც გულისხმობს ისეთ ქმედებას, რომელიც ადამიანის პატივსა და ღირსებას ლახავს. ასევე, შესაძლებელია სახეზე გვქონდეს თავისუფლების უკანონო აღკვეთაც“ - განაცხადა საქართველოს ახალგაზრდა იურისტთა ასოციაციის პროექტის ანალიტიკოსმა გოგა ხატიაშვილმა.