ქართველი მებრძოლი, ლევან გორგაძე, ჰაცუ ბაშოს ტურნირში გამარჯვებას უახლოვდება. უფრო მეტიც, მას ერთი ნაბიჯი აშორებს.

12 გამარჯვებით და 1 მარცხით ტოჩინოშინი ყველაზე ახლოს არის იმპერატორის თასთან. კაკარიუს ერთი გამარჯვებით ნაკლები აქვს, მე-3 პოზიციაზე მყოფ ტაკაიასუს კი 2 გამარჯვებით.

რაც იმას ნიშნავს რომ ლევან გორგაძე დარჩენილი ორი შეხვედრიდან ერთის მოგების შემთხვევაშიც იმპერატორის თასის გამარჯვებული გახდება და ისტორიულ შედეგს დააფიქსირებს. ტოჩინოშინი გახდება მე-3 სუმოისტი ევროპიდან, რომელიც აღნიშნულ ტიტულს დაეუფლება. მანამდე იმპერატორის თასი ბულგარელ კოტოოშუს და ესტონელ ბარუტოს აქვთ მოგებული.

დღეს, ბაშოს მე-14 დღეს, მისი მეტოქე მე-9 მაეგაშირა შოჰოძანი იქნება და შესაძლოა, სწორედ დღეს დაეუფლოს ტოჩინოშინი იმპერატორის თასს.